Guapparia, 1914
Rodolfo Falvo 
Libero Bovio
Guapparia, 1914
Rodolfo Falvo Libero Bovio
Scetateve, guagliune 'e malavita,
Ca è 'ntussecosa assaje 'sta serenata!
Io songo 'o 'nnammurato 'e Margarita
Ch'è 'a femmena cchiù bella d' 'a 'Nfrascata.
Ll'aggio purtato 'o capo cuncertino
P' 'o sfizio 'e mme fà sentere 'e cantà.
Mm'aggio bevuto 'nu bicchiere 'e vino
Pecché stanotte 'a voglio 'ntussecà.
Scetateve, guagliune 'e malavita!
È accumparuta 'a luna a ll'intrasatto
Pe' lle dà 'o sfizio 'e mme vedè distrutto.
Pe' chello che 'sta femmena mm'ha fatto,
Vurria ch' 'a luna se vestesse 'e lutto.
Quanno se ne venette â parta mia,
Ero 'o cchiù guappo 'e vascio â Sanità.
Mo, ch'aggio perzo tutt' 'a guapparia,
Cacciatemmenne 'a dint' 'a suggità!
Scetateve, guagliune 'e malavita!
Sunate, giuvinò, vuttate 'e mmane!
Nun v'abbelite, ca stò buono 'e voce!
I' mme fido 'e cantà fino a dimane
E metto 'ncroce a chi mm'ha miso 'ncroce.
Pecché nun va cchiù a tiempo 'o mandulino?
Pecché 'a chitarra nun se fa sentì?
Ma comme? Chiagne tutt' 'o cuncertino,
Addò ch'avess' 'a chiagnere sul'i'.
Chiagnono 'sti guagliune 'e malavita.
Svegliatevi, ragazzi di malavita,
Perché è molto intossicata questa serenata!
Io sono l'innamorato di Margherita
Che è la donna più bella dell'Arenella.*
Le ho portato il capo d'orchestrina
Per lo sfizio di farle sentirmi cantare.
Ho bevuto un bicchiere di vino
Perché stanotte voglio indispettirla.
Svegliatevi, ragazzi di malavita!
È apparsa la luna all'improvviso
Per darle il divertimento di vedermi distrutto.
Per quello che questa donna mi ha fatto,
Vorrei che la luna si vestisse a lutto.
Quando si accostò a me,
Ero il più guappo di basso alla Sanità.*
Ora, che ho perso tutta la guapperia,
Cacciatemene dalla società!
Svegliatevi, ragazzi di malavita!
Suonate, giovanotti, sbrigatevi!
Non avvilitevi, perché ho una buona voce!
Ce la faccio a cantare fino a domani
E metto in croce chi mi ha messo in croce.
Perché non va più a tempo il mandolino?
Perché la chitarra non si fa sentire?
Ma come? Piange tutta l'orchestrina,
Mentre dovrei piangere solo io.
Piangono questi ragazzi di malavita.