Canzone appassiunata, 1922
E. A. Mario

N'albero piccerillo aggio piantato
criscènnolo cu pena e cu sudore...
Na ventecata già nne ll'ha spezzato,
e tutt''e ffronne càgnano culore...
Cadute sò già 'e frutte. E tutte quante
erano doce e se sò fatte amare...
Ma 'o core dice: "oj giuvinotto amante,
'e ccose amare tiènele cchiù care...".

E, amara comme sì,
te voglio bene.
Te voglio bene,
e tu mme faje murì!

Era comm''o canario 'nnammurato
stu core che cantaie matina e sera,
"Scètate!" - io dico. E nun vò stà scetato...
E mo nun canta manco a primavera...
Chi voglio bene nun mme fa felice:
forse sta ncielo destinato e scritto.
Ma i' penzo ca nu ditto antico dice:
Nun se cummanna 'o core". E i' mme sto zitto...

E i' mme sto zitto... sì,
te voglio bene.
Te voglio bene,
e tu mme faje murì!

Chiagno p'ammore e cade 'o chianto mio
dinto a 'sta testa:'o chianto 'a sta arracquanno.
Schioppa 'na bella rosa,e i' pè vulìo
a chi mm'ha fatto chiagnere ce 'a manno.
Lle dico:"Rosa mia tu mme perduone
si te scarpesarrà senza cuscienza:
ce sta nu ditto ca ce dà raggione:
"Fa bene e scuorda, e, si faje male, penza!"

Pienzece bbuon sì,
te voglio bene.
Te voglio bene,
e tu mme faje murì!

Keywords:Lino Murolo, Canzone napoletana classica, Testo, Parole, Traduzione, Spartito, accordi